हिमपहिरोमा ४ कोरियन र ३ नेपाली अझै बेपत्ता

काठमाण्डौ -अन्नपूर्ण सर्किटको देउराली आसपासमा शुक्रबार गएको हिमपहिरोमा हराएका ७ जना अझै हराईरहेका छन् ।

चार जना कोरियन नागरिक र तीन जना नेपाली अझै नभेटिएको पर्यटन विभागले जनाएको छ । झण्डै ३१ सय मिटर उचाइबाट उनीहरु हराएका हुन ।

नेपालीहरु गाइडहरु सरोज परियार र छिरिङ भोटे तथा भरिया मिनबहादुर लामा हराइरहेका हुन् ।

हराएकाहरुको खोजीका लागि शनिबार बिहानदेखि हेलिकप्टर परिचालन गरिएको थियो ।

हेलिकप्टरमार्फत अन्नपूर्ण सर्किटबाट विदेशी पर्यटक र नेपाली गाइड गरी झण्डै २ सय जनालाई सुरक्षित ठाउँमा पुर्याइएको छ ।