‘ब्लड प्रेसर’ ८० बर्ष नाघेका बृद्धहरुलाई झन् बढी

काठमाडौँ-अमेरिकामा ६० बर्ष माथिका आधा भन्दा बढी मानिसहरुमा उच्च रक्तचापको समस्या देखा पर्ने गरेको छ । अमेरिकन कलेज अफ कार्डियोलोजी तथा अमेरिकन हृदय संगठनका अनुसार रक्तचाप १३० मिलिग्राम भन्दा बढी हुनु हुदैन ।

तर पनि ८५ बर्ष आसपासका अधिकांश मानिसहरुमा स्वास्थ्य समस्या आउने गरेको पनि अध्ययनले देखाएको छ ।

अध्ययनका अनुसार अमेरिकामा सन् २०५० सम्ममा ८५ बर्ष वा सो भन्दा बढी उमेर समूहका मानिसको संख्या कुल जनसंख्याको १० प्रतिशत भन्दा बढी हुने देखिएको छ ।

अध्ययनका अनुसार उक्त जनसंख्या कुनै न कुनै प्रकारको स्वास्थ्य समस्याबाट ग्रस्त रहेको छ, जस्तै हृदयघात, किड्निमा आउने समस्या आदी । त्यस्तै २७ प्रतिशत भन्दा बढी मानिसहरुमा मुटुसँग सम्बन्धित रोग पाइएको पनि अध्ययनले जनाएको छ ।

सामान्य अवस्थामा १२० एम एम एचजी हुनपर्नेमा उनीहरुमा १४० एम एम एचजीसम्म पुगेको पाइएकाले उच्च रक्तचापको समस्या समाधान गर्ने उपाय नसोचे भविषयमा यसले ठूलो समस्या ल्याउने स्वास्थ्य विज्ञहरुले जनाएका छन् ।

रक्तचापको समस्या समाधान गर्न पुर्ण तया सम्भव नभएता पनि खानपान तथा ब्यायाम मा ध्यान दिए आफूलाई लामो समयसम्म यो समस्याबाट मुक्त गर्न सकिने समेत खोजकर्ताहरुले बताएका छन् ।