कोरियन पप समुह बीटीएसको ‘कनेक्ट’ यात्रा

सोल-के-पप स्टार्सहरुको एक समुहले हालै करिव २२ जना उत्कृष्ठ कलाकर्मीहरु सँगको सहकार्यमा बृहत कला प्रदर्शनीको आयोजना गरेको छ ।

मंगलवार बाट सुरु गरिएको उक्त प्रदर्शनीमा विश्वभरका २२ जना उत्कृष्ठ कलाकर्मीहरुको सहभागिता रहेको छ । उक्त प्रदर्शनीका कलाहरुको एल्वम पनि विमोचन गरिने आयोजकले जनाएको छ ।

कनेक्ट नाम दिइएको उक्त प्रोजेक्टको मुख्य मर्म माया, सम्बन्ध र विविधता रहेको छ र यो प्रोजेक्टले बर्लिन, लण्डन, सिओल तया न्युयोर्क मा आफ्ना कलाहरु प्रदर्शन गर्ने जनाएको छ ।

लण्डनमा आयोजित उक्त कला प्रदर्शनी शर्पेन्टाइन ग्यालरीमा डेनिश कलाकार ज्याकोव कुड्स्कद्धारा बनाइएको प्राचिन जंगलसँग सम्बन्धित चित्र क्याथार्सिसको प्रदर्शनी सहित सुरु गरिएको थियो ।

यो प्रदर्शनी बर्लिनमा बुधवार, बुइनोस एरिसमा अर्को विहिवार, सिओलमा जनावरी २८ मा तथा न्युयोर्कमा फेबु्रअरी ४ तारिखमा आयोजना गरिने छ । उक्त प्रदर्शनीमा ब्रिटिस मुर्तिकार एन्टोनी गोर्मेली तथा अर्जेन्टिनाका कलाकार थोमस सारासेनो को समेत सहभागिता रहने छ ।

प्रदर्शनीको मुख्य उद्धेश्य कलाकार कलाकार विचको सम्बन्ध सुमधुर बनाउनु, कला र सङ्गित विचको सम्बन्ध स्थापित गर्नु तथा कलाकार र दर्शक विचमा सुमधुरता ल्याउनु रहेको आयोजकले आफ्नो वेवसाइट मार्फत जनाएको छ |