दुर्गा प्रसाईंलाई पक्राउ गर्न जिल्ला प्रशासनको अनुमती

काठमाडौं – बी एण्ड सी अस्पतालका सञ्चालक दुर्गा प्रसाईंलाई पक्राउ गर्न जिल्ला अदालत भक्तपुरले अनुमति दिएको छ । पक्राउ गर्न अदालतले अनुमति दिएपनि उनी भने भागेका छन् ।

२० करोड घुस मागेको आरोप लगाएपछि प्रसाईंविरुद्ध चिकित्सा शिक्षा आयोगका उपाध्यक्ष डा. श्रीकृष्ण गिरीले मानहानीको मुद्दा हालेका थिए ।

यसअघि झापाका मेडिकल व्यवसायी दुर्गा प्रसाईंलाई कारबाही माग गर्दै प्रतिनिधि सभा जरूरी सार्वजनिक महत्वको प्रस्ताव दर्ता भएको थियो।

नेपाली कांग्रेसकी सांसद डिला संग्रौलाले आइतबार संसद सचिवालयमा बिएन्डसी मेडिकल कलेजका सञ्चालक समेत रहेका प्रसाईंले बंगलादेशमा एमबिबिएस पढन जाने छात्राबारे दिएको अभिव्यक्तिले संविधान र कानुनको उल्लंघन गरेको भन्दै उनीमाथि कारबाही माग गरेर प्रस्ताव दर्ता गराएकी हुन्।