विप्लवको पर्चा : शोभाकान्त बालुवाटार जग्गा बेच्ने मुख्य योजनाकार भएकाले बम विष्फोट

काठमाडौं-नेत्र विक्रम चन्द विप्लव समूहले बुधबार साँझ काठमाडौँको नागार्जुन नगरपालिका–१ स्थित शोभाकान्त ढकालको घरमा बम विस्फोट गराएकोबारे जिम्मा लिएको छ ।
उसले बम विष्फोट गराउनका कारण पनि सार्वजनिक गरेको छ । विस्फोट भएको स्थानमा उनिहरुले पार्टीको पर्चा छाडेका छन् ।

पर्चामा बालुवाटार जग्गालाई व्यक्तिको नाममा ल्याएर बेच्ने प्रपञ्चको मुख्य योजनाकार शोभाकान्त ढकाल नै भएको विप्लव समूहले दाबी गरेको छ ।

घटनास्थलमा भेटिएको पर्चामा यस्तो लेखिएको थियो :

१. ‘बालुवाटारस्थित ललितानिवास परिसरको करिब १ सय १५ रोपनी सरकारी ९राष्ट्रिय० जमिन व्यक्तिको नाममा दर्ता गर्ने र बेच्ने प्रपञ्चको मुख्य योजनाकार भएको ।

२. बालुवाटारको राष्ट्रिय जमिनको अनियमितता बारे पुर्व सचिव शारदा प्रसाद त्रितालको नेतृत्वमा गठित छानविन समितिको प्रतिवेदनले भुमाफिया किटान गरेकोले

३. जनयुद्धकालमा सुकुम्बासी÷भूमिहीनहरुको जग्गा आफ्नो नाममा हडप्ने प्रपञ्च गरेकोले

४. विगतमा एमाले र हाल सरकारी नेकपाको राजनैतिक शक्तिको आडमा राज्यको भ्रष्ट निकाय वा कर्मचारीहरुसँगको मिलेमतोमा माफियागिरी एवम् लुटखसोट गरेकोले

५. कुख्यात भूमाफिया एवम् राष्ट्रिय सम्पत्तीको लुटखसोट गर्ने योजनाकार भएको पुष्टि हुँदापनि कथित कम्युनिस्ट नामधारी वर्तमान के।पी सरकारले कुनै कारवाही नगरेकोले जनस्तरबाट व्यापक रुपमा कारवाहीको माग एवं उजुरी आएकोले ।