महतो हत्या प्रकरणसँगै क्रस उद्योग बन्द गर्ने निर्णय

जनकपुर–जनकपुरधाम क्षेत्रमा संचालन भएका क्रसर उद्योग बन्द हुने भएको छ । संचालन बन्द गर्न अभिन्ता दिलिप महतोको हत्यापछि जिल्ला समन्वय समिति धनुषाले यस्तो निर्णय गरेको हो ।

मंगलवार समितिले नेपाल प्रहरी, शसस्त्र प्रहरी, जिल्ला प्रशासन कार्यालय धनुषा सहित सम्बन्धित पालिकालाई मापदण्ड भित्र नपरेका क्रसर उद्योगलाई बन्द गर्न÷गराउन पत्राचार सहित निर्देशन दिने निर्णय गरेको छ ।

बैठकले विगतका मापदण्ड अनुसार दर्ता भएका र राजश्व समेत बुझाएका तर नविकरण हुन बाँकी र हाल रित नपुगेका क्रसर तथा प्रशोधन उद्योगलाई बन्द गर्न निर्देशन दिने निर्णय भएको हो । साथै जिल्लाको नदीजन्य तथा ढुंगा, गिट्टी, बालुवा, खानीजन्य पदार्थको उत्खनन, संकलन र बिक्री समबन्धि अनुगमन तथा समन्वय समेत गर्ने निर्णय गरिएको छ ।

गत शुक्रबार पुस २४ गते अवैध उत्खनन कार्य रोक्न गएका अभियन्ता दिलिप महतोको क्रसर उद्योग संचालक विपिन महतो लगायतका व्यक्तिहरुले निर्ममतापुर्वक हत्या गरेका थिए ।