ए डिभिजन लिगमा आज दुई खेल हुँदै

काठमाडौं-सहिद स्मारक ए डिभिजन लिगमा आज सोमबार पनि दुई खेल हुँदै छन्।पहिलो खेलमा पुलिस र एनआरटी तथा दोस्रो खेलमा च्यासल र एपीएफबीच प्रतिस्पर्धा हुदैछ।

पहिलो खेलमा पुलिस र एनआरटी मध्यान्न १२ बजे र दोस्रो खेल च्यासल र एपीएफबी दिउँसो ३ बजे प्रतिष्पर्धा हुनेछन्। दुवै खेल त्रिपुरेश्वरस्थित दशरथ रंगशालामा हुनेछ।

२ खेलमा जीत २ खेलमा बराबरी र एक खेलमा पराजित भएको पुलिस ८ अंकसहित तालिकाको छैटौं स्थानमा छ। २ खेलमा जीत, २ खेलमा पराजित र एक खेलमा बराबरी भएपनि एनआरटीको ५ अंक छ। गत संस्करण पुछारमा रहेकाले उसको २ अंक घटाएको हो।

एनआरटी नवौं स्थानमा छ। आजको खेलमा पुलिस विजयी भए चौथो स्थानमा उक्लने छ भने एनआरटी विजयी भए छैटौं स्थानमा पुग्ने छ।

च्यासल ५ अंकसहित ११ औं स्थानमा छ भने ४ अंक जोडेको एपीएफ १३ औं स्थानमा छ।