बस र ट्रक ठोक्किएर आगो लाग्दा २० जनाको मृत्यु, प्रधानमन्त्री मोदीले गरे यस्तो ट्वीट

काठमाण्डौ-भारत उत्तरप्रदेशको कन्नौजमा ट्रक र बस ठोक्किएर आगो लाग्दा २० जनाको मृत्यु भएको छ ।

बसमा रहेका २१ जनालाई द्धार गरिएको छ । उनीहरुको स्थानीय अस्पतालमा उपचार भइरहेको छ । कतिपयले बसबाट हामफालेर ज्यान जोगाएका छन् ।

बस कन्नौजको गुरसहाय गञ्जबाट जयपुरका लागि छुटेको थियो ।

ट्रकसँग एसीयुक्त बस ठोक्किदा दुवैमा आगो दन्किएको थियो । बसमा गुरसहायगञ्जका २६ जना र छिबरामउका १७ जना यात्री चढेको कन्नौजका जिल्लाअधिकारी रविन्द्र कुमारको भनाई छ ।

यस्तै प्रधानमन्त्री नरेन्द्र मोदीले घटनामा मृत्यु भएका परिवारप्रति समवेदना प्रकट गर्दै दुःख व्यक्त गरेका छन् ।

उत्तर प्रदेश के कन्नौज में हुए भीषण सड़क हादसे के बारे में जानकर अत्यंत दुख पहुंचा है। इस दुर्घटना में कई लोगों को अपनी जान गंवानी पड़ी है। मैं मृतकों के परिजनों के प्रति अपनी संवेदनाएं प्रकट करता हूं, साथ ही घायलों के शीघ्र स्वस्थ होने की कामना करता हूं।

— Narendra Modi (@narendramodi) January 11, 2020

उत्तर प्रदेशका मुख्यमन्त्री योगी आदित्यनाथलले घटनाप्रति दुःख व्यक्त गर्दै अनुसन्धान गर्न निर्देशन दिएका छन् । उनले मृतकका परिवारलाई दुई दुई लाख र घाइतेहरुलाई ५० हजार भाररतीय रुपैयाँ राहत दिने घोषणा पनि गरेका छन् ।