ट्रम्पको प्रतिक्रिया – सुलेमानिको हत्या नगरिएको भए ४ अमेरिकी दूतावासमा आक्रमण हुन्थ्यो

काठमाण्डौ-इरानले ४ वटा अमेरिकी दूतावासमा आक्रमणको तयारी गरेकाले इरानी विशेष सैन्य दस्ता कुड्स फोर्सका तत्कालीन प्रमुख कासिम सुलेमानीको हत्या गर्नुपरेको अमेरिकी राष्ट्रपति डोनाल्ड ट्रम्पले प्रतिक्रिया दिएका छन् ।

राष्ट्रपति ट्रम्पले फक्स न्यूज च्यानलसँगको कुराकानीमा ४ वटा अमेरिकी दूतावासमा इरानले आक्रमण गर्न लागेको थाहा पाएपछि सुलेमानीको हत्या गरेको दाबी गरेका हुन् ।

इराकको राजधानी बग्दादमा रहेको अमेरिकी दूतावातमा भएको प्रदर्शनको केही दिनपछि सुलेमानीको हत्या भएको थियो ।

यस्तै हजारौं मानिसको ज्यान जानुमा सुलेमानी मुख्य जिम्मेवार रहेको आरोप राष्ट्रपति ट्रम्प र विदेशमन्त्री माइक पोम्पियो लगाएका छन् ।

यमनमा रहेका इरानका कमान्डर अब्दुल रेजा सालाईको पनि अमेरिकाले हत्याको योजना बनाएको नाम नबताउने सर्तमा एक अमेरिकी अधिकारीले बताएका बिबिसीले लेखेको छ ।