देउवाकाे गृह जिल्लाका सभापति नै लागे देउवा विरूद्द

काठमाडाैं-कांग्रेस सभापति शेरबहादुर देउवाको निर्णयविरुद्ध उनकाे गृह जिल्ला डडेल्धुराका जिल्ला सभापति समेत लागेका छन्। सानेपामा भेला भएका ४३ जिल्ला सभापति मध्ये धेरैकाे चासाे डडेल्धुराका जिल्ला सभापति प्रति थियाे।

देउवाको निर्णयविरुद्ध पहिलो हस्ताक्षर मल्लले गरेका हुन् । उनी सानेपामा पनि सबैभन्दा पहिले पुग्ने जिल्ला सभापति समेत हुन्। ।  लामो समय देउवाको स्वकीय सचिव रहेका मल्ल यतिबेला देउवाविरुद्ध अग्रपंक्तिमा देखिन्छन् । मल्ल यतिबेला डा.शेखर कोइरालासँग नजिक देखिन्छन् । संस्थापनइतरका जिल्ला सभापतिहरूकाे भेला तिन दिन बसेर बुधबार सकिएकाे छ।

जिल्ला सभापतिहरुले पार्टीलाई विधि–विधानअनुसार चलाउन सुझाव दिएका छन् । उनीहरुले पार्टीभित्रको ६०–४० को भागबण्डा अन्त्य गर्नुपर्नेमा जोड दिएका थिए । नुवाकोटका जिल्ला सभापति जगदीश्वरनरसिंह केसीले भागबन्डाको राजनीति अन्त्य गरेर पार्टीलाई विधानअनुसार अगाडि बढाउनुपर्ने बैठकको निष्कर्ष रहेको बताए ।

उनले भने, ‘विधानअनुसार निर्णय लिने अधिकार सभापतिमा निहित छ । त्यहीअनुसार सभापतिले पार्टीलाई चलाउनुपर्छ । अब सबैले ६०/४० को अवधारणालाई अन्त्य गरिनुपर्छ । सभापतिले पनि त्याग, तपस्या, बलिदानीको हिसाबमा सबैको मूल्याँकन गरी अवसर दिनुपर्छ ।’ भागबन्डाबका कारण बलिदानी दिने कार्यकर्ताको पछि परेको बताए ।