मुख छोप्दै फर्किए चिनियाँ अपराधी , ४ बर्ष नेपाल प्रवेशमा रोक

काठमाडौं-नेपालमा विभिन्न अपराध गरेको अभियोगमा पक्राउ परेका १ सय २२ जना चिनियाँ नागरिकलाई नेपालले देश निकाला गरेको छ ।

त्रिभुवन विमास्थल पुग्दा ती अपराधीले संचार माध्यम अघि अनुहार र मुख छोपेका थिए |

उनीहरु सवैलाई आज चीनबाट आएका विशेष विमान मार्फत चीन पठाइएको हो ।

काठमाडौंका बिभिन्न बृतमा राखिएका उनीहरुलाई आज कडा सुरक्षा घेराबीच त्रिभुवन अन्तर्राष्ट्रिय विमानस्थल पुर्‍याइएको थियो । त्यसपछि चीनबाट आएका दुई वटा विमानमा राखेर उनीहरुलाई चीन पठाइएको हो ।

अध्यागमन विभागले उनीहरुलाई चार वर्षसम्म नेपाल प्रवेशमा रोक लगाउँदै देश निकाला गर्ने निर्णय गरेको थियो ।

नेपालमा बसेर चीनमा विभिन्न अपराधमा संलग्न भएको आरोपमा यही पुस ७ गते उनीहरु पक्राउ परेका थिए ।

पर्यटक भिसामा नेपाल आएका उनीहरु सवैसंग ट्राभल डकुमेन्ट समेत नरहेको खुलेको थियो ।