भारतसँग श्रीलंका ७ विकेटले पराजित

काठमान्डौ-श्रीलंकासँगको तीन अन्तर्राष्ट्रिय टि-२० सिरिज अन्तर्गत दोस्रो खेलमा भारत ७ विकेटले विजयी भएको छ। श्रीलंकाले प्रस्तुत गरेको १४३ रनको विजयी लक्ष्य भारतले १७.३ ओभरमा ३ विकेट गुमाउँदै पुरा गर्यो। जितसँगै भारतले तीन खेलको सिरिजमा १-० को अग्रता बनाएको छ।

भारतका ओपनर शिखर धवन ३२ रनमा आउट भए। अर्का ओपनर लोकेश राहुलले ४५ रन बनाए। युवा ब्याट्सम्यान श्रेयस ऐयर ३४ रन बनाए। कप्तान विराट कोहली ३० रनमा अविजित रहे। श्रीलंका लागि वानिन्दु हसरंगा २ र लाहिरु कुमराले १ विकेट लिए।

त्यसअघि होल्कर क्रिकेट रंगशाला इन्दोरमा टस हारेर ब्याटिङ थालेको पाहुना टोली श्रीलंकाले निर्धारित २० ओभरमा ९ विकेट गुमाउँदै १४२ रन बनाएको थियो। श्रीलंकाका लागि विकेटकीपर कुशल परेराले सर्वाधिक ३४ रनको योगदान दिए। अविष्का फर्नांडोले २२ रन, दनुष्का गुणाथिलका २०, धनञ्जय डी शिल्भा १७, वानिन्दु हसरंगा १६, ओशद फर्नांडो १०, भनुका राजापक्ष ९ र दसुन शनका ७ रनको योगदान दिए। भारतका लागि शार्दुल ठाकुरले ३ विकेट लिए। नवदीप सैनी र कुलदीप यादव २/२ विकेट लिए। वाशिन्टन सुन्दर र जसप्रित बुमराहले १/१ विकेट लिए।

पहिलो खेल वर्षाको कारण रद्ध हुँदा तेस्रो तथा अन्तिम खेल शुक्रबार पुनेमा हुनेछ।