नेपाल प्रहरीको सामग्री खरिदमा अनियमितताका दोषी ठहर शम्भु भारती रिहा

काठमाडौं – राष्ट्रसंघीय मिसनका लागि सुडानमा खटिने नेपाल प्रहरीको सामग्री खरिदमा अनियमितता गरेको भन्दै दोषी ठहर भएका शम्भु भारती रिहा भएका छन् । सर्वोच्च अदालतले बाहिरै बसेर मुद्दा लड्न पाउने आदेश गरेपछि उनी आइतबार रिहा भएका हुन् । गत भदौ १३ गते भारतीलाई प्रहरीले नियन्त्रणमा लिएको थियो । त्यसयता उनी सदर खोर डिल्लीबजारमा सजाय काटिरहेका थिए । 

भारतीले दिएको पुनरावलोकनको निवेदनमा बाहिर बसेर मुद्दा लड्न पाउने आदेश भएको सर्वोच्च अदालतका सहप्रवक्ता देवेन्द्र ढकालले जानकारी दिए । गत मंसिर अन्तिम साता भारतीको निवेदनअनुसार अदालतले आदेश दिएको थियो । 

भारतीलाई  १४ करोड २० हजार ८ हजार ३ रुपैयाँ जरिवाना र एक वर्ष जेल सजाय सुनाइएको थियो ।