सन् २०२० मा हुन्डाई र कियाले ७५ लाख थान गाडी बेच्ने

सोल-दक्षिण कोरियाली सवारीसाधन निर्माता हुन्डाई र किया मोटर्सले सन् २०२० मा भने आफूहरुको संयुक्त व्यापार ५ प्रतिशत बढाउने बताएका छन् । उनीहरुले संयुक्त सवारीसाधनको व्यापार ७५ लाख थान बिक्रि गर्ने लक्ष राखेका हुन् |

दुवै कम्पनीका लागि सन् २०१९को ब्यापार भने पछिल्लो ७ वर्षकै कमजोर बन्न पुगेको थियो |

चीनको व्यापारमा आएको कमीसँगै ती कम्पनीको सवारी साधन बिक्रि व्यापार घटेको हो । तर, सन् २०२० का लागि भने कम्पनीले आफ्नो व्यापारमा सुधार आउने अपेक्षा गरेको छ ।

हुन्डाई मोटर ग्रुपले अहिले सामना गरिरहेको विभिन्न प्रकारको चुनौतीको कारण पनि व्यापारमा कमी आएको हो । ती सबै चुनौतीलाई सुधार गरेर सन् २०२० मा ५ प्रतिशत ब्यापार वृद्धि गर्ने लक्ष रखिएको हो |

हुन्डाई र कियाले संयुक्त व्यापारमा सन् २०१९ मा ७६ लाख सवारीसाधन विक्री गर्ने लक्ष्य राखिएको भए पनि ७१ लाख ९० हजार सवारी साधनको बिक्रि गरेका थिए |