समाजबादी अध्यक्ष भन्छन -‘राजपासंग एकीकरणमा समस्या छैन’

काठमाडौं-समाजबादी पार्टीका अध्यक्ष यादवले राष्ट्रिय जनता पार्टी (राजपा) नेपाल सरकारमा जान्छ भन्ने आफूलाई विश्वास नलागेको प्रतिक्रिया दिएका छन् । ‘राजपा सरकारमा जान्छ भन्ने कुरामा मलाई विश्वास छैन, उसले हिजो भनेको कुरा आज उल्ट््याउला भन्ने लाग्दैन, सहमति गरेर गएमा त्यो राजपाको स्वतन्त्रता हो’ यादबले पत्रकार सम्मेलनमा सोधिएको अर्को जिज्ञासामा भने |

पार्टी एकीकरणका लागि महत्वपूर्ण विषय नै समाजवादी पार्टीले सरकार छोड्नुपर्छ भन्ने रहेकाले अब सरकार छाडेपछि त्यो विषय टुङ्गिएको उल्लेख गर्दै अध्यक्ष यादवले अब दुई पार्टीबीच ठूलो समस्या नरहेको दाबी गरे |

उनले पार्टी एकीकरणका लागि राष्ट्रिय परिषद् र केन्द्रीय समितिको बैठकले निर्णय गरिसकेको समेत बताए । दुई पार्टीबीच पनि धेरै कुराकानी भइसकेको जानकारी दिँदै उहाँले राजपा सकारात्मक रुपमा अघि बढे एकीकरणमा कुनै समस्या छैन भने ।