धेरै कमाउने कोरियन दम्पतिमा सन्तान चाह न्यून

सोल-एउटा अध्ययनका अनुसार धेरै आर्थिक आम्दानी भएका कोरियालीहरुमा सन्तान प्रतिको चाह कमजोर हुँदै गएको पाइएको छ ।

अध्ययनका अनुसार १० मध्ये ४ जोडीले बिवाह भएको ५ बर्ष सम्ममा पनि बच्चा जन्माउन नचाहेको देखिएको हो ।

कोरियामा करिव १.४३ मिलियन कोरियाली जोडीहरु मध्ये करिव ४०.२ प्रतिशत जोडीका बच्चा छैनन् । उक्त अध्ययनका अनुसार रोजगारमा आबद्ध जोडीहरु मध्ये ५४.३ प्रतिशतका मात्र सन्तान छन् जवकी परिवारका एक सदस्य रोजगारीमा जानेहरुको हकमा भने ६४.४ प्रतिशत जोडीका सन्तान छन् ।

१०० मिलियन कोरियन वन आर्जन गर्ने ४८.६ प्रतिशत भन्दा बढीका सन्तान नै छैनन् । त्यस्तै गरि ५० देखि ७० मिलियन कोरियन वन आर्जन गर्ने मध्ये ४१.३ प्रतिशत, र १० मिलियन वन तथा सो भन्दा कम आर्जन गर्ने ३६.५ प्रतिशत कोरियालीहरुका सन्तान छैनन् । (याद रहोस्, १ अमेरिकि डलर =१,१८८ वन)

अध्ययनका अनुसार आर्थिक आर्जन मात्र यो समस्याको कारण हैन । विवाहेत्तर सम्वन्ध, आफ्नो सुन्दर भविश्यको खोजी, आफ्नै घरवार बनाउने समयमा थोपरिएको आर्थिक भार लगायतका कारण उनिहरुमा सन्तान मोहमा कमी भएको अध्ययनले देखाएको छ । यदि राज्यले समयमै यो समस्याको समाधान तर्फ कदम नचालेमा परिणाम अझ भयावह हुने समेत अध्ययनले देखाएको छ ।