नेकपाकाे सचिवालय बैठक बस्दै,यी छन् बैठकका एजेण्डा

काठमाडाैं- सत्तारुढ नेपाल कम्युनिस्ट पार्टी (नेकपा)काे सचिवालय बैठक साेमबार (अाज) बस्ने भएकाे छ। बैठक पार्टी केन्द्रीय कार्यालय धुम्बाराहीमा बस्न लागेकाे हाे।

सचिवालय बैठक दिउँसाे १ बजे बाेलाइएकाे छ। प्रतिनिधिसभामा रिक्त सभामुख पदकाे निर्वाचन र स्थायी समिति बैठक बोलाउने बारे छलफल गर्न नेकपा सचिवालय बैठक बस्न लागेकाे हाे।

बलात्कारकाे आराेप लागेपछि निवर्तमान सभामुख कृष्णबहादुर महराले राजीनामा दिएपछि सभामुख पद रिक्त छ। बैठकमा मंसिर १४ मा भएकाे उपनिर्वाचनको औपचारिक समीक्षा हुने बताइएकाे छ। पाँच दिन अघि बसेकाे बैठकले उपनिर्वाचनमा घात अन्तर्घात भए/नभएकाे प्रतिवेदन केन्द्रमा पठाउन निर्देशन दिएकाे थियाे।