जाडोमा मुटु जोगाउने १० उउपाय

जाडो याममा मुटु रोगीलाई थप सचेत हुनु आवश्यक छ । चिसोले मुटु रोगीलाई स्वास्थ्यसम्बन्धी उच्च जोखिम निम्त्याउन सक्छ । चिसोले मुटु र रक्तसञ्चारलाई प्रभावित पार्छ । यो मौसममा शरीरलाई न्यानो राख्न मुटुले झन् बढी परिश्रम गर्नुपर्छ । यसैले गर्दा जाडोयाममा रक्तचापसँगै मुटुको चालसमेत बढ्छ ।

तापक्रममा कमी आउनासाथ हाम्रो शरीरको रगतको नली खुम्चिन्छ । अनि शरीरलाई न्यानो राख्न रगतकोप्रवाह तीव्र हुन्छ । यो अवस्थामार गत पनि बाक्लो हुन्छ । यस्ता परिवर्तनहरूका कारण मुटुमा समस्या उत्पन्न हुन सक्छ, खासगरी यदि तपाईंलाई पहिलेदेखि नै मुटुसम्बन्धी समस्या छ भने ।

जाडोले रगतमा समेत परिवर्तन ल्याउँछ । यसका कारण रगत जम्ने जोखिम उत्पन्न हुनुका साथै यसले हार्ट अटयाक वा स्ट्रोक/पक्षाघातसम्म गराउन सक्छ । हार्ट अटयाक रक्तचाप र रगतमा कोलेस्ट्रोलको मात्रा जाडो याममा बढ्न सक्छ |

१-मुटुसम्बन्धी समस्या भएकाहरूले जाडो याममा बढी चिसो भएका बेला मर्निङ वाक वा इभिनिङ वाक गर्नुहुन्न ।

२-घाम लागेपछि हिँड्नु नै स्वास्थ्यका लागि फाइदाजनक हुन्छ । दिनहुँ व्यायाम गर्नु वा पैदल हिँड्नुपर्छ ।

३-शरीरलाई सकेसम्म न्यानो राख्नु पर्छ ।

४-घरबाट निस्किँदा टाउको, घाँटी, कानलाई राम्ररी छोप्नुपर्छ । बाक्ला मोजा र पन्जा लगाउन भुल्नु हुन्न ।

५-मुटु रोग भएकाहरूले जाडो याममा नियमित रूपले रक्तचाप, चिनी, कोलेस्ट्रोल आदि परीक्षण गर्नुपर्छ । आफूले जचाउँदै आएका मुटु रोग विशेषज्ञसँग समेत नियमित अन्तरालमा जचाउन बिर्सनु हुन्न ।

६- मदिरा सेवन नगर्ने -जाडोको अनुभूति कम गर्न मद्यपान गर्ने अवैज्ञानिक चलन छ, जुन ठीक होइन । अझ, मुटुको रोग भएकाहरूका लागि त जाडोमा मद्यपान ज्यान जोखिममा पार्ने अवस्था हो । मदिराले न्यानो अनुभूति गराए पनि मद्यपानपछि हाम्रो शरीर चिसो भइरहेको हुन्छ ।

७-यो मौसममा शरीर सुक्खा राख्नुपर्छ । पानीले भिजेका लुगाफाटाले शरीरलाई चाँडै चिसो बनाउँछन् ।

८-तातो खाने (जंकफुड नखाने),झोल कुरा धेरै खाने,मनतातो पानी पिउने

९-मुटुका बिरामीले निन्द्राको विशेष ख्याल गर्नुपर्छ। कम्तीमा पनि ६ घण्टा सुत्नु पर्छ।

१०-सकारात्मक सोच राख्ने र आत्मविश्वासी बन्नुपर्छ।