अस्पतालबाट मुस्कुराउँदै निस्के प्रधानमन्त्री, स्वस्थ भएकाे प्रतिक्रिया दिए

काठमाडाैं-प्रधानमन्त्री केपी शर्मा ओली एपेन्डिसाइटिसको शल्यक्रियापछि स्वास्थ्यलाभ गरेर डिस्चार्ज भएका छन् ।

त्रिवि शिक्षण अस्पताल परिसरस्थित मनमोहन कार्डियो थोरासिक भास्कुलर तथा ट्रान्सप्लान्ट सेन्टरले प्रधानमन्त्री ओलीलाई बिहीवार अपराह्न डिस्चार्ज गरेको हो ।पेट दुखेपछि ओली यही मंसिर १० गते अस्पताल भर्ना भएका थिए । उनलाई एपेन्डिसाइटिस भएको पत्ता लागेपछि आकस्मिक शल्यक्रिया गरिएको थियो ।

अस्पताल परिसरबाट बाहिरिने क्रममा प्रधानमन्त्री ओलीले आफू स्वस्थ्य भएर फर्किन लागेको प्रतिक्रिया दिए ।अस्पतालले डिस्चार्ज गरेपछि प्रधामनन्त्री ओली आत्मविश्वासका साथ मुस्कुराउँदै अस्पतालबाट बाहिरिएका हुन् ।डिस्चार्ज गर्दै अस्पतालले ओलीलाई केही दिन आराम गर्न सुझाव दिएको छ ।

अस्पतालका कार्यकारी निर्देशक प्रा.डा. उत्तमकृष्ण श्रेष्ठद्वारा जारी विज्ञप्तिमा प्रधानमन्त्रीको स्वास्थ्य लाभ भएको जनाइएको छ ।