५ बर्षीया बालिकालाई बलात्कार गर्ने पक्राउ

काठमाडौँ – भक्तपुर चाँगुनारायण नगरपालिका–४ की पाँच बर्षीया बालिकालाई एक युवाले जबर्जस्ती करणी गरेको घटना बाहिर आएको छ । चाँगुनारायण नगरपालिका–४ घर भई भक्तपुरकै कमलबिनायक बस्ने ५ वर्षीया बालिकालाई डेरा कोठामा लगेर जबरजस्ती करणी गरेको अभियोगमा कमलबिनायक बस्ने १८ बर्षिय बसन्त तामाङ पक्राउ परेका छन् ।
पीडित बालिकाको अभिभावकले निवेदन दिएपछि तामाङलाई पक्राउ गरिएको महानगरीय प्रहरी परिसर भक्तपुरले जनाएको छ ।

ललितपुर बुङमति स्थायी घर भएका तामाङ भक्तपुर नगरपालिका–१० कमलबिनायक बस्दै आएका थिए । तामाङले गत पुष ३० गते बालिका बलात्कार गरेको पीडित बालिकाको अभिभावकले किटानी जाहेरी दिएका छन् । घट्नाबारे थप अनुसन्धान भईरहेको प्रहरीले जनाएको छ ।

यसैबिच, २५ किलो चरेश सहित गोरखाका अमर तामाङ र धादिङका रणविर तामाङलाई प्रहरीले पक्राउ गरेको छ । महानगरीय प्रहरी वृत बालाजुले काठमाडौ महानगरपालिका–२६ नयाँबजार बस्ने २५ वर्षीय अमर तामाङ र तारकेश्वर नगरपालिका–५ बस्ने २४ वर्षीय रणविर तामाङलाई आईतबार नियन्त्रणमा लिएको हो । बालाजुको गुम्बा पुल नजिकै उनीहरु सवार बा.१ज १३४९ नम्बरको ट्याक्सी चेक गर्दा उक्त चरेश जस्तो देखिने बस्तु बरामद भएको थियो ।