सर्लाहीमा समाजवादीले खाता खोल्यो

सर्लाही-सर्लाहीको हरिपूर्वा नगरपालिका–१ मा आज वडाध्यक्षको लागि भएको उपनिर्वाचनमा का उम्मेदवार श्यामबाबु राय ३४७ मत ल्याएर विजयी भएका छन् |

रायको निकटतम प्रतिद्वन्द्वी राजपा नेपालका राम विश्वास राय ३२८ मत ल्याए नेकपाका उम्मेदवार दोस महम्मद अन्सारी पनि ३२८ मत ल्याएर पराजित भएका छन् |

राजपाका उम्मेदवार राम विश्वास राय र दोस महम्मद अन्सारीको समान मत रहेको छ । जनमत पार्टीका उम्मेदवार दिनेश यादवले ५२ मत प्राप्त गरेका छन् | त्यस्तै नेपाली काँग्रेसका उम्मेदवार रामपृत पासवानले २३ मत मात्र प्राप्त गरे । १५ मत बदर भएको सर्लाहीका प्रमुख जिल्ला अधिकारी मोहनबहादुर जिसीले जानकारी दिए ।

निर्वाचित वडाध्यक्ष श्यामबाबु रायलाई प्रमाणपत्र प्रदान गरिसकेको प्रजिअ जिसीले बताए । वडाध्यक्षका लागि आज भएको उपनिर्वाचनमा करीब ८१ प्रतिशत मत खसेको थियो । एक हजार ३५६ मतदाता रहेकोमा एक हजार ९३ मत खसेको थियो ।

बिहान ७ बजेदेखि शुरु भएको मतदान शान्तिपूर्ण रुपले साँझ ५ बजे सम्पन्न भएको थियो । चुनावका लागि दुईवटा मतदान केन्द्र तोकिएको थियो । मतदानको लागि क र ख गरी दुई वटा मतदान केन्द्र तोकिएको थियो । मतदानमा ५८८ जना पुरुष र ५७५ जना महिलो मतदान गरेको मुख्य निर्वाचन अधिकृत कृष्णराम कोइरालाले जानकारी दिए ।

तत्कालीन एमालेबाट निर्वाचित वडाध्यक्ष इसाक अन्सारीको मृत्यु भएपछि हरिपूर्वा– १ मा उपनिर्वाचन भएको छ ।
–––