उप निर्वाचन २०७६ : नेकपा लगातार बिजयी

काठमाडौं- ५२ पदका लागि आज भएको उपनिर्वाचनमा नेपाल कम्युनिष्ट पार्टी (नेकपा)का उम्मेदवार लगातार बिजयी भइरहेका छन् |

आजको उप निर्वाचनको पहिको बिजयी उम्मेदवार बने रोल्पा थवाङ्गका जनकबहादुर बुढामगर | उनले १७४ मत प्राप्त गरी निकटतम प्रतिद्वन्दी नेपाली काँग्रेसका कलमबहादुर रोकामगरलाई पराजित गरेका हुन् |

त्यस्तै कन्चनपुर पुनर्वास नगरपालिका–३ मा आज भएको वडाध्यक्ष पदको उपनिर्वाचनमा नेपाल कम्युनिस्ट पार्टी(नेकपा) विजयी भएको छ । उक्त निर्वाचनमा नेकपाका उम्मेदवार कृष्णबहादुर तामाङ निर्वाचित भएका हुन् । तमाङले ५२८ मत प्राप्त गरे भने उनका निकटम प्रतिद्वन्द्वी नेपाली काँग्रेसका दिपबहादुर तामाङले ३१० मत पाएका थिए |

त्यसैगरी सल्यान कुमाख गाउँपालिका–५ मा वडाध्यक्ष पदका लागि भएको उपनिर्वाचनमा नेपाल कम्युनिष्ट पार्टी (नेकपा)का उम्मेदवार धर्मे बुढाथोकी विजयी भएका छन् । उनले ७९२ मत प्राप्त गरी विजयी भएका हुन् | बुढाथोकीका निकटतम प्रतिद्वन्द्वी नेपाली काँग्रेसका खड्कबहादुर बोहराले २५१ मत प्राप्त गरेका थिए |

भर्खरै प्राप्त समाचार अनुसार लमजुङ सुन्दरबजार नगरपालिका वडा नं २ मा सत्तारुढ दल नेपाल कम्युनिष्ट पार्टी (नेकपा)का उम्मेदवार नविन कुमार श्रेष्ठ (सुर्य) ९९३ मत ल्याएर विजयी भएका छन् |