पाकिस्तानी विमान दुर्घटनामा ४८ यात्रुको मृत्यु

काठमाडौँ – पाकिस्तान इन्टरनेसनल एयरलाइन्सको एक विमान पाकिस्तानको उत्तरी भागमा दुर्घटनाग्रस्त भएको छ। उक्त विमानमा सवार ४८ जनाको मृत्यु भएको छ।

अधिकारीहरूका अनुसार पिके–६६१ नम्बरको जहाज पाकिस्तानको उत्तरपश्चिममा पर्ने हाभेलिन क्षेत्रमा दुर्घटना भएको हो।

पीआईएका प्रवक्ता डेनियल गिलानीले विमानमा ४२ जना यात्रु, पाँच जना चालक दलका सदस्य र एक जना गार्ड इन्जिनियर रहैको बताए। पाकिस्तानको उत्तरपश्चिमी चित्राल जिल्लाबाट रावलपिण्डीतर्फ गइरहेका बेला विमान दुर्घटना भएको हो।

प्रवक्ता गिलानीले विमान स्थानीय समयअनुसार दिउसो ३ः३८ बजे उडेकोमा ४ः२० बजे कन्ट्रोल टावरबाट सम्पर्कबिहीन भएको बताए।