प्रधानमन्त्री ओलीकाे शल्यक्रिया सुरू

काठमाडौं – पेट दुखेर मनमोहन कार्डियोथोरासिक तथा भास्कुलर सेन्टरको सीसीयू (कोरोनरी केयर युनिट) भर्ना भएका प्रधानन्त्री केपी शर्मा ओलीलाई शल्यक्रिया गर्न लगिएको छ ।

प्रधानमन्त्रीका स्वास्थ्य सल्लाहकार डा. अरूण सायमीले प्रधानमन्त्री ओलीलाई शल्यक्रिया गर्न अपरेसन थिएटर लगिएको जानकारी दिए ।“पेट दुखेर ल्याइएको थियो । परीक्षणका क्रममा एपेन्डिसाइटिस भएको रहेछ । शल्यक्रिया गर्न लगिएको छ,” सायमीले  जानकारी दिए ।

सन् २००७ मा मिर्गौला प्रत्यारोपण गरिएका प्रधानमन्त्रीको मिर्गौलाको कार्यक्षमताका ह्रास आएको छ । प्रधानमन्त्री ओली पछिल्लोपटक ग्राण्डी अन्तर्राष्ट्रिय अस्पतालमा डायलासिस गराउँदै आएका छन् ।