कांग्रेसकाे आराेपः कम्युनिष्ट पार्टी उकालो लाग्दो सेयर बजार ओरालो

काठमाडौं – नेपाली कांग्रेसले कम्युनिष्ट पार्टी उकालो लाग्दो सेयर बजार ओरालो लागेको बताएको छ । दुईतिहाई सरकारको एकतिहाई अवधी सकिएको अवसरमा आयोजित पत्रकार सम्मेलनमा ओली सरकारको २१ वटा असफलतामा कांग्रेसले सेयर बजार ओरालो लागेको विषयलाई पनि सरकारको असफलताको रुपमा प्रस्तुत गरेको छ ।

स्थिर सरकार बनेपछि सेयर बजार उकालो लाग्नुपर्नेमा कम्युनिष्ट सरकारकाप्रति विश्वासको ग्राफ उक्लीन नसक्दा सेयर बजार ओरालो लाग्यो । जिम्मेवार मन्त्रीले नै अनुत्पादक क्षेत्र करार गरिरहँदा त्यसले शहरीया मध्यमवर्ग मात्रै होइन सेयर आवद्ध रहेका ग्रामीण क्षेत्रका निम्न वर्गीय नागरिक पनि मारमा परे । २१ महिनाको अवधिमा मुलुकको आर्थिक इच्छाशक्तिमा बढोत्तरी या ह्रास के भएको छ भन्ने बुझ्न अर्थतन्त्रको ‘पल्स’ मानिने सेयर बजारको स्थिति हेरेर सरकारको असफलता पनि सहज मापन गर्न सकिन्छ ।