विद्यार्थीसँग अतिरिक्त शुल्क लिने मेडिकल कलेजमा सम्पत्ति शुद्धीकरण अनुसन्धान विभागकाे छापा

काठमाडौं – सम्पत्ति शुद्धीकरण अनुसन्धान विभागले तीनवटा मेडिकल कलेजमा छापा मारेको छ। वीरगन्जको नेशनल मेडिकल कलेज, विराटनगरको नोबेल मेडिकल कलेज र चितवनको चितवन मेडिकल कलेजमा छापा मारेर सम्पत्ति विवरण बरामद गरेको स्रोतले  जानकारी दिएको छ।

तीनवटा मेडिकल कलेजको विवरण, सञ्चालक समितिका निर्णयहरु बरामद गरेको स्रोत बताउँछ। यसअघि राष्ट्रिय सतर्कता केन्द्रले १२ वटा मेडिकल कलेजका सम्बन्धमा छानबिन गरेको थियो। “विद्यार्थीको उजुरी, शिक्षा मन्त्रालयको पत्र, राष्ट्रिय सतर्कता केन्द्रको प्रतिवेदनका आधारमा तीनवटै मेडिकल कलेजमा छापा मारिएको हो। महत्वपूर्ण कागजात लिएका छौं,” स्रोतले भन्यो।