इट्टा टाउकोमा लागि ७० वर्षे वृद्धको मृत्यु

हंगकंग– हंगकंगमा सरकार पक्षधर र प्रदर्शनकारीबीचको झडपबीच टाउकोमा चोट लागेपछि एक ७० वर्षे वृद्धको मृत्यु भएको छ ।ती वृद्धको बिहिबार अस्पतालमा उपचारको क्रममा मृत्यु भयो ।

अधिकारीका अनुसार ती वृद्ध खाना खानका लागि बाहिर निस्किएका बेला प्रदर्शनकारीले हानेको कडा वस्तु उनको टाउकोमा बज्रन पुग्यो ।

सोसल मिडियामा प्रकाशित एक भिडियोमा ती वृद्ध टाउकोमा चोट लागेपछि भुइँमा ढल्नुअघि दुई समूहबीच इट्टा हानाहान भइरहेको देख्न सकिन्छ ।

एक पुलिस अधिकारीले आफू उक्त घटनामा संलग्न नभएको तर त्यहाँको फोटो भने खिचिरहेको जानकारी दिए ।