राष्ट्रपति हमिदसंग आज उच्चस्तरीय भेटवार्ता हुदै

काठमाडौं-नेपालको सद्भावना भ्रमणमा रहेका बंगलादेशका राष्ट्रपति मोहम्मद अब्दुल हमिद र राष्ट्रपति विद्यादेवी भण्डारीबीच द्विपक्षीय भेटवार्ता आज शीतल निवासमा हुँदै छ ।

परराष्ट्र मन्त्रालयका अनुसार आज राष्ट्रपति हमिदले उपराष्ट्रपति नन्दबहादुर पुन, प्रधानमन्त्री केपी ओली, पूर्वप्रधानमन्त्रीद्वय पुष्पकमल दाहाल प्रचण्ड, शेरबहादुर देउवाले  शिष्टाचार वार्ता गर्ने तय भएको छ ।

राष्ट्रिय सभा अध्यक्ष गणेशप्रसाद तिमल्सिनाले पनि राष्ट्रपति हमिदसँग शिष्टाचार भेट गर्ने कार्यक्रम छ ।