प्रधानमन्त्री सचिवालयका सबै सदस्य राजीनामा दिने तयारीमा

काठमाडौं-प्रधानमन्त्री केपी शर्मा ओलीको सचिवालयसँग जोडिएका सल्लाहकार तथा सहयोगीहरुले राजीनामा दिने तयारी गरेका छन् ।

सचिवालय सदस्यहरुले आगामी मंसिरबाट लागू हुने गरी स्वेच्छिक रुपमा राजीनामा दिन लागेको स्रोतले बतायो ।

प्रधानमन्त्री ओलीले सचिवालयमा कार्यरत सबैलाई डाकेर राजीनामा दिन निर्देशन दिएका थिए ।

मुख्य सल्लाहकार विष्णु रिमाल, विदेश मामिला सल्लाहकार राजन भट्टराई, जनसम्पर्क सल्लाहकार अच्युत मैनाली, स्वकीय सचिव इन्द्र भण्डारी, प्रेस सल्लाहकार कुन्दन अर्याल, सूचना प्रविधि सल्लाहकार अस्गर अलीसहित सबैले राजीनामा दिने तयारी गरेका हुन् |

स्रोतका अनुसार राजेश बज्राचार्य सचिवालयमा अवैतनिक भएकाले राजीनामा दिनु नपर्ने र बाँकी सबैलाई राजीनामा दिन प्रधानमन्त्री ओलीले निर्देशन दिएका हुन् ।