कोरियाली अध्यगमनले दिएन चार कलाकारलाई भिसा

सोल – किरात राई यायोक्खा दक्षिण कोरियाले यही जनवरी २७ र २८ तारिख कोरियामा आयोजना गर्न लागेको सांगीतिक कार्यक्रमको लागि नेपालबाट निमन्त्रणा गरिएको चार कलाकारलाई नेपालस्थित कोरियाली अध्यगमनले भिसा दिएन ।

गायिका कला राई, मिना राई, गायक राजेश पुमा राई र भीम लिम्बूलाई अध्यगमनले भिस नदिएको आयोजक किरायाले बिहीबार विज्ञप्ति जारी गरी जनाएको छ । कार्यक्रमको अघिल्लो दिनसम्म प्रयास गर्दा पनि अध्यगमनले भिसा नदिएको किरायाको अध्यक्ष बालकृष्ण बान्तवाले बताए । विगतमा कोरियामा सांगीतिक कार्यक्रम गरेका आयोजकहरुले आफन्तहरुलाई नक्क्ली कलाकार बनाई कोरिया भित्र्याएर अवैधानिकरुपमा राखेको कारण यसपाली शंकाको घेरामा राखी पहिला कोरिया प्रवेश नगरेका नवकलाकारहरुलाई भिसा नदिएको जारी विज्ञप्तिमा उल्लेख गरिएको छ ।

सोही कार्यक्रमको लागि छनोटमा परेका कलाकारहरु गायक राजेश पायल राई, गायिका कोमल ओली, मिलन अमात्य, प्रिती आले मगर, डान्सर रञ्जिता लिम्बू र हाँस्य कलाकार राजा राजेश्वर पोखरेल भने बुधबार नै कोरिया आइपुगेका छन् । पूर्वप्रचार प्रसार अनुसार कलाकार उपस्थित हुन नसकेकोमा दर्शकलाई आयोजकले क्षमा मागेको छ ।

कोरियाली नयाँ वर्ष सलनालको बिदाको अवसरमा कोरियाका मुख्य दुई शहर सो र बुसानमा कार्यक्रम गरिने तय भएको छ । आपत विपतमा परेकालाई खान बस्न उपलब्ध गराउने सेल्टर स्थापनार्थ सुम्निमा सांगीतिक सौगात नामकरण गरी सोलमा कार्यक्रम गर्न लागिएको हो ।

कान्तिपुरबाट