प्रधानमन्त्रीको तेश्रो डायलाइसिस हुँदै

काठमाडौं -प्रधानमन्त्री ओलीको  तेश्रो डायलाइसिस आइतबार (आज) या सोमबार हुने भएको नयाँ पत्रिकाले समाचार छापेको छ |

एकपटकको डायलाइसिसले दुईदेखि तीन दिनसम्म काम गर्छ । बिहीबार उनको डायलाइसिस भएको थियो । अब आइतबार या सोमबार पुनः ग्रान्डी जाने तयारीमा रहेको स्रोतले जनायो ।

समाचार अनुसार परीक्षणका रूपमा बिहीबार गरिएको डायलाइसिसपछि पनि प्रधानमन्त्री केपी ओलीको शरीरमा क्रियाटिनिनको मात्रा अपेक्षा गरेअनुसार नघटेको चिकित्सकले बताएका छन् ।

स्रोतका अनुसार उपचारका लागि ग्रान्डी पुग्दा प्रधानमन्त्रीको क्रियाटिनिन ५ एमजी÷डिसिलिटर पुगेको थियो ।

क्रियाटिनिनको मात्रा ह्वात्तै बढेपछि तत्काल डायलाइसिस गरेर रगत शुद्धीकरण गरिएको थियो । तर, अहिले पनि ४ एमजी÷डिसिलिटर हाराहारीमा छ । चिकित्सकका अनुसार प्रधानमन्त्रीको उमेर र तौलका व्यक्तिको क्रियाटिनिन सामान्यतया ०.६ देखि १.३ एमजी÷डिसिलिटरसम्म हुनुपर्छ ।