कोरियामा मजदूरको तलब प्रति घण्टा १० हजार वन हुनुपर्ने मजदूर संगठनको चट्टानी अडान कायम नै,देशभर आम हड्तालको आव्हान

सोल-दक्षिण कोरियामा कार्यरत स्वदेशी बिदेशी मजदूरको तलब वृद्धि गर्न सरोकार निकायको बैठक ,छलफल र परामर्श भईरहेका बेला मजदूर संगठनहरुले भने आफ्नो पुरानो माग नै दोहोर्याएका छन् |

बदलिँदो र महँगो जीवन शैलीका कारण मजदूरको ज्वाला प्रति घण्टा १० हजार वन हुनुपर्ने माग केसीटियु र एमटियुका प्रतिनीधिले ज्वाला निर्धारण समितिको बैठकमा चट्टानी अडान राखेका हुन् |

जुन २९ तारिक सेजुङ सीमा रहेको न्युनतम ज्याला निर्धारण समितिको कार्यालयमा बसेको समितिको बैठकमा कम्पनी ब्यबस्थापक पक्षको सदस्यहरुले २०१८ को न्युनतम ज्याला २.४% प्रतिशत (१५५ वोन) बढाउने प्रस्ताब राखेका थिए |

मजदूर प्रतिनीधिले यो प्रस्तावको बिरोध गर्दै प्रतिघण्टा १० हजार वन हुनुपर्ने माग दोहोर्याएका हुन् | यहाँका मजदूर संगठनले बिगत २ बर्षदेखी यो माग राख्दै आएको छ |

आफ्नो मागबारे सरकारलाई दवाव दिन मजदूर संगठनले देश ब्यापि आमहडतालको आव्हान समेत गरेका छन् भने शुक्रबार मातहतका बिभिन्न मजदुरको आह्वानमा रास्ट्रपति भवन अगाडि ख्वाङ्ह्वामुनमा आयोजित आमहडतालमा लगभग ५० हजार मजदुरले सहभागिता जनाएका थिए |