पाँचथर सडक दुर्घटनामा एकको मृत्यु

पाँचथरको मेची लोकमार्गमा भएको मोटरसाईकल दुर्घटनामा परी एकको मृत्यु भएको छ ।

कार्तिक ५ गते दिँउसो पौने पाँच बजेको समयमा जोरपोखरीबाट फिदिम तर्फ आँउदै गरेको को १२ प २६२ नं. को मो.सा.ले सल्लेरी सडक खण्डमा सोहि दिशाबाट आँउदै गरेको ना ३ ख ५६९० नं. को ट्रकलाई ओभरट्याक गर्ने क्रममा अनियन्त्रित भई ट्रक संग ठक्कर खाई दुर्घटना भएको थियो ।

उक्त दुर्घटनामा मोटरसाईकल चालक जिल्ला पाँचथर कुम्मायक गाँउपालिका वडा नं. ५ स्थित सङमासे लोरिप्पा बस्ने २७ वर्षिय सुनिल सम्बाहाम्फेको मृत्यु भएको हो ।

दुर्घटनामा परी सख्त घाईते भएका उनलाई उपचारको लागी पाँचथर अस्पताल ल्याईएकोमा उपचारपूर्व नै मृत्यु भएको संलग्न डाक्टरले बताएका छन् ।

ट्रक र सो ट्रकका चालक जिल्ला प्रहरी कार्यालय पाँचथरको नियन्त्रणमा रहेका छन् भने दुर्घटना सम्बन्धमा थप अनुसन्धान कार्य भईरहेको छ ।