पाँचथरमा करेन्ट लागेर एकको मृत्यु

पाँचथर– पाँचथरको कुम्मायक गाँउपालिकामा एक युवाको करेन्ट लागेरज्यान गएको छ ।

ज्यान गुमाउने पाल्पा जिल्लाको रुप्से गाँउपालिका वडा नं. ९ बस्ने २५ वर्षीय ईश्वर सारु मगर हुन् ।

उनलाई कुम्मायक गाँउपालिका बडा नं. ३ स्थित हाङथुवा भन्ने स्थानमा बिजुलीको काम गर्ने क्रममा करेन्ट लागेको जिल्ला प्रहरी कार्यालय पाँचथरले जनाएको छ ।

करेन्ट लागी सख्त घाईते भएका मगरलाई उपचारको लागी पाँचथर अस्पताल फिदिम ल्याउने क्रममा बाटोमै मृत्यु भएको संलग्न डाक्टरले बताएका छन् ।