आलम अपराध: घाइतेलाई जिउँदै पोल्न ट्रयाक्टरमा इँटाभट्टा तर्फ लैजाँदा प्रहरीको स्कर्टिङ

२७ चैत ०६४ को साँझ ६ः१५ मा आलमको गाउँमा भएको विस्फोट छानबिन गर्न इलाका प्रहरी कार्यालय राजपुरका इन्चार्ज इन्सपेक्टर इन्द्र सुवेदीको नेतृत्वमा प्रहरी परिचालन भएको थियो।

तर त्यहि दिन को राति १०बजे उनको गौर सरुवा गराई रातारात गौर पठाइएको थियो।

नयाँ इन्सपेक्टर राजिब बस्नेत जिल्ला प्रहरी कार्यालयका एसपी लक्ष्मण न्यौपानेले भने बम नै नपड्किएको बताएका थिए।

स्थानीयवासी भने चुनाव जित्ने योजनाका साथ आलमको निर्देशनमा बन्दै गरेका बम अचानक विस्फोट भएपछि पूरै क्षेत्र थर्किएको बताउछन।

विस्फोटमा घाइते भएका थुप्रै युवालाई उपचार गर्नुको सट्टा राति नै जिउँदै इँटाभट्टामा हालेर पोलिएको थियो।

मसमुल मियाँ त्यस घटनाको प्रत्यक्षदर्शी हुन्। उनले ट्रयाक्टरलाई प्रहरीको गाडीले स्कर्टिङ गरेको बताएका थिए।