षडजलाई जब ‘तिम्रो सम्झनाले’ सतायो

काठमाडौं-गायक षडज सम्बाहाम्फे २०५८ सालदेखि लगातार नेपाली सांगीतिक क्षेत्रमा लागेका आश लाग्दा प्रतिभा हुन् | उनले पहिलो एल्बम २०६४ सालमा ‘किन ? ‘ ल्याएका थिए | दशकको साधना पश्चात दोश्रो एल्बम ‘रिलोडेड’ ल्याएका छन | गायक सम्बाहाम्फेले ‘रिलोडेड’ एल्बमको एउटा गीत हो ‘तिम्रो सम्झनाले’ हालै सार्बजनिक गरेका छन् |

‘होनी रेशम’ ‘पिरतीले होइन हजुर’ जस्ता दर्जनौ चर्चित गीतका धनि लिम्बुको आवाजले भरिएको यस गीतलाई अरुण तिवारीले लेखेका हुन् भने विक्रम थापाको संगीत रहेको छ ।

पासाङ योञ्जन लामाको एक्सन कटमा तयार पारिएको यस भिडियोमा मोडेलहरु ज्ञानेन्द्र शर्मा र ज्योत्सना योगीको अभिनय रहेको छ । शर्माले भने अभिनय गरेको यो पहिलो म्युजिक भिडियो हो | यसमा धुलिखेल र काठमाडौंका प्राकृतिक दृश्य कैद गरिएका छन् |

यो गीतको म्युजिक भिडियोबाट राम्रो अपेक्षा लिएको गायक लिम्बुको भनाई छ । निरोज श्रेष्ठको छायाङ्कनमा तयार पारीएको यस भिडियोलाई प्रविन श्रेष्ठले सम्पादन गरेका हुन् ।

भिडियो हेर्नुहोस