विश्व कीर्तिमान गर्न हिडेका शेरचनको सगरमाथा आधार शिविरमै मृत्यु

काठमाडौँ- विश्वकै सबैभन्दा जेष्ठ आरोहीको रेकर्ड बनाउन सगरमाथा आरोहण गर्न हिडेका ८६ वर्षीय मिनबहादुर शेरचनको मृत्यु भएको छ |

विश्व आरोही संजय पण्डितले हटपाटी डटकमलाई दिएको जानकारी अनुसार शेरचनको शनिबार ५ बजेर १४ मिनेटमा सगरमाथा आधारशीबिरमा मृत्यु भएको हो |

पुर्व वृटिश गोरखा सैनिक शेरचनले सगरमाथा आरोहण गरेर सबैभन्दा वृद्ध आरोहीको रेकर्ड बनाउने लक्ष्य लिएका थिए । उनको निधन भएको पुष्टि सरकारीस्तरबाट भने हुन बाँकी छ ।