जापानमा आँधीबाट ५ को मृत्यु,२७ बेपत्ता

टोकियो-जापानमा आएको आँधी (ताइफ़ुन) बाट ५ को मृत्यु भएको छ भने २७ जना बेपत्ता रहेका छन् |

आईतबार बिहान जापानी संमय ९ बजेसम्मको तथ्यांक अनुसार आंधीको चपेटामा परि विभिन्न विभिन्न क्षेत्रमा ५ जनाको मृत्यु भएको यहाँको समाचार संस्था एनएचकेले उल्लेख गरेको छ ।

समाचारमा २७ जना बेपत्ता रहेको र करिव १ सयको संख्यामा घाईते भएको विवरण प्राप्त भएको उल्लेख छ ।

जापानी अधिकारीहरुले पानीको बहाव उच्च भएका कारण केही स्थानमा खोलाको सतह बढेर वस्ती क्षेत्रमा पसेको जनाउँदै त्यस्ता क्षेत्रमा रहेका नागरिकहरुलाई सम्भव भएसम्म सुरक्षित स्थानमा जान अनुरोध गरेका छन् ।

घरभित्र रहेका व्यक्तिहरुलाई घरको माथिल्लो तल्लामा गएर उद्दारमा आएका हेलिकोप्टर तर्फ देखिनेगरि हात हल्लाउन अनुरोध गरेका छन् ।

बिहानैबाट बाढी प्रभावित क्षेत्रमा उद्दारको काम भईरहेको र डुबानमा परेको क्षेत्रका नागरिकहरुको उद्दार भईरहेको भिडियो दृश्यहरु जापानी टेलिभिजनहरुले प्रशारण गरिरहेका छन् । डुबानमा परेको बस्तीका नागरिकहरुले घरको माथिल्लो तल्लामा गएर सेतो कपडा हल्लाउँदै उद्दारको अनुरोध गरेको दृश्य टेलिभिजन च्यानलहरुले प्रशारण गरेका छन् ।