कोरियामा २७ बर्षिय पौडेलको मृत्यु

गजे-दक्षिण कोरियामा एक नेपालीको मृत्यु भएको छ | गजे प्रदेशमा रहेको एक पानी जहाज बनाउने डीएसएमई नामक कम्पनीमा कार्यरत बिराटनगरका उमेशचन्द्र पौडेलको आज बिहान मृत्यु भएको हो |

रोजगार अनुमति प्रणाली (ईपीएस ) मार्फत करिब १ वर्ष अघि आएका २७ बर्षिय पौडेलको शनिबार बिहान हृदयघातका कारण मृत्यु भएको त्यहाँ कार्यरत नेपाली कामदारले जानकारी दिए |

पौडेलले शनिबार बिहान ३ वजे स्वास फेर्न गाहे भयो भनेपछि संगै रहेका नेपाली कामदारले एम्बुलेन्स बोलाएर पुराएका थिए | अस्पतालमा प्राथमिक उपचार शुरु भएको एक घण्टा पछि चिकित्सकले पौडेललाई मृत घोषणा गरेको थियो  |

मृतक पौडेल विवाहित भएको र विराटनगरमा श्रीमती र एक छोरी रहेको बुझिएको छ । मृतक पौडेलको शव अहिले स्थानीय अस्पतालमा राखिएको छ ।