कोरियामा सुतेकै अवस्थामा कल्याण राईको मृत्यु

सोल- दक्षिण कोरियामा एक नेपालीको सुतेकै अवस्थामा मृत्यु भएको छ । खोटाङ चिब्रुंग गाविस वडा न १ स्थाई धर भएका कल्याण राईको आज बिहान सुतैको ठाउँमा मृत्यु भएको स्थानीय नेपाली अनलाइन पत्रिकाले जनाएका छन् ।

छन्जु स्थित दिन र रातको काम हुने कम्पनीमा रातीको काम सकेर सुतेको तर बिहान मृत अवस्थामा फेला परेको सगैँ काम गर्ने साथीहरूको भनाई उध्रित गर्दै खोटांग सेवा समाजका अध्यक्ष अमृत राईले बताए।

अध्यक्ष राईका अनुसार २७ बर्षिया उनि आफ्नो ४ बर्ष १० महिनाको भिषा अवधि पुरा गरि मई १३ तारिख नेपाल फर्कन लागेका थिए। । घटना बारे उनको परिवारलाई जानकारी दिने कार्य भईरहेको पनि उनले बताए ।पछिल्लो समय सुतेकै अवस्थामा मृत्यु हुने नेपालीहरूको संख्या बढ्दो छ।

नेपाली दूतावास सौलले भने घटनाको पुष्टी गरेको छैन । नयाँ दैनिकीले कार्यवाहक राजदूत किरण शाक्यलाई सम्पर्कको प्रयास गरेको भएपनि सम्भव हुन सकेन ।