उमेरहद कायम गर्न माग गर्नेलाइ देउवाकाे जवाफः ‘आमरण बस्ने भए बस’

काठमाडाैं-नेपाल विद्यार्थी संघको तदर्थ समितिमा ३२ वर्ष उमेर हद कायम नहुने कांग्रेस सभापति शेर बहादुर स्पष्ट पारेका छन्। दसैंकाे शुभकामना दिन र तदर्थ समिति ३२ वर्ष कायम राख्न माग लिएर गएका विद्यार्थी नेताहरूलाइ देउवाले उक्त अडान देखाएका हुन्।

 ३२ वर्षको उमेर हदको मागलाई कांग्रेस सभापति शेर बहादुर देउवाले ठाडै अस्विकार गरेका हुन्। आठ महिना अघि देखि भंग भएको नेविसंघको तदर्थ समिति गठन गर्दा उमेर हद कायम गर्न माग गर्दै विद्यार्थीहरुको एक समूह देउवा निवास पुगेको थियो। बुधबार विहान देउवा निवास बुढानिलकण्ठमा पुगेका विद्यार्थी नेताहरुको प्रस्तावलाई देउवाले अस्विकार गरेका हुन्।

संसोधित विधान अनुरुप तदर्थ समिति गठन हुनुपर्ने उनीहरुको माग थियो। देउवाले संसोधित विधान १२ औं महाधिवेसन पछि मात्रै कार्यान्वयन हुने जवाफ फर्काएका थिए।निर्वतमान महामन्त्री कुन्दनराज काफ्लेको समूहबाट देउवालाई भेट्न गएका विद्यार्थी नेताहरुले उमेर हद कायम नभए आमरण अनसन बस्ने चेतावनी दिएका थिए। पूर्व केन्द्रीय सदस्यहरुको टोलीको चेतावनीको प्रतिउत्तर दिदैं देउवाले ‘आमरण अनसन बस्ने भए बस’ भन्दै जवाफ फर्काएका थिए। १२ औं महाधिवेसनका लागि २० बढि जिल्लामा अधिवेसन संसोधित विधान अनुसार भएको स्मरण उनीहरुले सभापति देउवालाई गराएका थिए। जिल्ला अधिवेसन भईसकेका सन्दर्भमा के हुने? भनि विद्यार्थी नेताहरुले राखेको जिज्ञासामा देउवाले ‘त्यो हुन्न,हुन्न’भन्दै निवासमा छिरेको एक विद्यार्थीले बताए।