नेकपाले गरेको काम घाम जस्तै छर्लङ्ग छ- सांसद बस्नेत

भक्तपुर- नेपाल कम्युनिष्ट पार्टी (नेकपा)का केन्द्रीय सदस्य तथा प्रतिनिधिसभाका सांसद महेश बस्नेतले नेपाल कम्युनिष्ट पार्टी नेकपा)ले गरेको काम जनता सामु घाम जस्तै छर्लङ्ग रहेको बताउँदै प्रमुख प्रतिपक्षि दल तथा नेपाल मजदुर किसान पार्टी (नेमकिपा)ले विगतदेखी अहिलेसम्म गरेका कामहरु वादल लागेजस्तै भएको बताएका छन् |

नेकपा चाँगुनारायण नगरपालिका वडा नं. ६ तेलकोटको आयोजनामा भएको विजया दशमी, शुभ दिपावली, नेपाल सम्वत् ११४०, छठ पर्वहरुको शुभकामना तथा चियापान कार्यक्रममा बोल्दै सांसद बस्नेतले नेकपा नेतृत्वको सरकार तथा जनप्रतिधिले जनतालाई कुनै कथा सुनाएको नभई देशभर विकासको लहर ल्याएको सन्देश प्रवाह गरेको बताए ।

उनले कांग्रेसले भ्रष्टाचार तथा अनियमिततालाई प्रश्रय दिएको बताउँदै भ्रष्टाचारीलाई जेलबाट रिहाई गर्न दुई सय पचास किलोको माला लिएर स्वागत गर्दै भ्रष्टाचारीलाई कांग्रेसले सम्मान गरेको बताए ।

सांसद बस्नेतले देशका ठूला ठूला भ्रष्टाचार काण्डमा कांग्रेस नेताकै संलग्न देखिएकाले अब त्यसलाई तोड्न र मुलुकलाई आर्थिक तथा सामाजिक रुपान्तरणको लागि लामो समयसम्म नेकपाको नेतृत्व आवश्यकता रहेको औंल्याए ।

विगतमा कांग्रेस तथा नेमकिपाका भ्रष्टाचारी, दलाली, नोकरसाई तथा अवैध गतिविधि गर्ने लामखुट्टेले अहिले काईय कुईँय गर्ने गरिरहेको बताउँदै उनले यसको कुनै अर्थ नरहने बताए । जनताले नेकपाको लागि देवता भएको बताउँदै जनताले दिएको जनमतका जनताको चाहना र आकांक्षालाई पुरा गर्न आधारमा समृद्ध नेपाल सुखी नेपालीको महाअभियानलाई सार्थकतामा पुर्याउने जनाए ।

दुई चारवटा कुरा घोकेर नेकपाको विरोध गर्दैमा जनताले विश्वास गर्न नसक्ने बताउँदै पूर्वउद्योगमन्त्री समेत रहेका सांसद बस्नेतले भने , ‘सुनभन्दा कम छैन, हराएमा डर छैन भन्ने प्रवृत्तिका राजनीतिक दलसँग जनता समयमा नै सचेत हुनुपर्छ । जनताले सुनलाई कति क्यारेटको हो भनि छुट्याउन पर्ने जसको लागि व्यवहारको कसिबाट हेर्नुपर्छ ।’