दशैंमा पनि वर्षाकाे सम्भावना कायमै,फाट्टफुट्ट पानी पर्ने

काठमाडाैं-साविकअनुसार यस वर्षको मनसुनको समय अवधि सकिएको छ । दुई दिनअघि नेपालको मनसुनको समय अवधि सकिएको हो ।

तथापि मनसुन सक्रिय गराउने न्यूनचापीय रेखा अझै नेपाल आसपास नै रहेकाले मनसुन चक्रको अन्त्य भने नभएको मौसम पूर्वानुमान महाशाखाले जनाएको छ ।

‘मनसुन अन्त्य हुन यसका विभिन्न ‘क्राइटेरिया’ पूरा हुनुपर्छ, त्यो हुने सम्भावना तत्काल देखिँदैन’, मौसमविद् मञ्जु बासीले थपे, ‘अझै करिब एक साता मनसुन सक्रिय रहने सम्भावना देखिन्छ ।’

फाट्टफुट्ट वर्षा भने दशैँसम्म कायम रहने उनले आकलन गरे । यति बेला मनसुनी न्यूनचापीय रेखा औसत स्थानभन्दा दक्षिणतर्फ छ । केही दिनअघि सरेर उत्तर पुग्दा पनि विविध स्थानमा भारी वर्षा भएको थियो ।