दक्षिण कोरियामा अफ्रिकन स्वाइन फ्लु भेटियो

सोल-दक्षिण कोरियाको कृषि, खाद्य र ग्रामिण मन्त्रालयले जनाए अनुसार राजधानी सोलबाट करिब ६० कि मि पश्चिम इन्चोनको गान्हवा टापुमा र ग्योंगी प्रान्तमा रहेको एक पशुपालन फार्ममा अफ्रिकन स्वाइन फ्लु (ए एस एफ) को जीवाणु भेटिएको जनाएको छ। मेडिकल अधिकारीले बताए अनुसार अफ्रिकन स्वाइन फ्लु मानिसलाई खासै असर नगरेपनि सुँगुरहरुको लागि एकदमै घातक रहेको र तत्कालै उपचार उपलब्ध नहुने भनेका छन्।

कृषि मन्त्रालयले तिब्र रुपमा फैलिने संक्रामक भाइरस रोक्नका लागी गेओङ्गि प्रान्त, गाङ्गवन प्रान्त र इन्चोन आसपासका सबै ठाउहरुमा क्वारेन्टाइन जारि गरि रोकथामको लागि सुरु गरेको छ। सबैभन्दा पहिले यो रोगको लक्षण उत्तर कोरिया र चीनको सिमाना नजिक देखिएको थियो। रोगको लक्षण देखिए पछि त्यसको ४ महिना पछि विश्व स्वास्थ्य संगठनलाई जानकारी गरेको थियो।

यो रोग फैलनुको मुख्य कारण दुषित खानेकुरा वा भाइरसको साथ मानिस र जंगली जनवारको माध्यमबाट सर्दछ। दक्षिण कोरियन सरकारले यो प्रकोप कसरी सामना गर्ने भनेर निर्धारण गरेको छैना।