दक्षिण कोरियाली राष्ट्रपतिद्वारा संबिधान दिवसको शुभकामना

सोल- संविधान दिवसका अवसरमा दक्षिण कोरियाका राष्ट्रपतिले नेपाल सरकार र नेपाली जनतामा हार्दिक शुभकामना व्यक्त गरेका छन ।

कोरियाली राष्ट्रपति मुन जे इनले आज राष्ट्रपति विद्यादेवी भण्डारीलाई बधाई तथा शुभकामना सन्देश पठाउँदै अति निकटको पारस्परिक सम्बन्धलाई अझ प्रगाढ बनाउन आफू क्रियाशील रहेको बताएका हुन् ।

सन्देशमा राष्ट्रपति मुनले पनि विविध क्षेत्रमा सहकार्य गर्दै अघि बढेको कोरिया–नेपाल सम्बन्धलाई आपसी लाभका निम्ति भविष्यलक्षित भएर आफू अघि बढ्न तयार रहेको उल्लेख गरेका छन ।

राष्ट्रपति मुनले कोरियाली जनता र नेपालीबीचको सम्बन्धलाई दुवै देशको हितमा थप प्रगाढ बनाइने सन्देशमा ब्यक्त गरेका छन् |