बलात्कार गरेको कसुर ठहर

पाँचथर-देशभर बलात्कार को घटना भइरहंदा १४ वर्षीया बालिकालाई बलात्कार गरेको आरोपमा पूर्पक्षमा रहेका फिदिम नगरपालिका–४ का २६ वर्षीय लक्ष्मी थापा विरूद्घ जिल्ला अदालत पाँचथरले कसुर ठहर गरेको छ।

जिल्ला न्यायाधीश मोहनराज भट्टराईको वुधवारको इजलासले कसुर ठहर गरेको अदातलका सूचना अधिकारी याम चौहानले बताए।

मुद्दाको पुनः सजाय निर्धारणका लागि पेश गर्न समेत फैसलामा उल्लेख गरिएको छ। मुलुकी अपराध संहिता ऐन २०७५ लागू भएपछि तीन वर्षभन्दा बढी कैद हुने मुद्दामा सजाय निर्धारणका लागि पुनः पेश गर्नुपर्ने व्यवस्था छ।

पीडित बालिकालाई आरोपितले गत वैशाख ६ गते बलात्कार गरेको आरोपमा पीडित पक्षले वैशाख ७ गते जिल्ला प्रहरी कार्यालयमा उजुरी दिएको थियो।

आरोपितलाई प्रहरीले वैशाख १० गते गिरफ्तार गरी कानुनी कारबाही अघि बढाएको थियो।