दक्षिण कोरिया र जापानविच वार्ता हुने

सोल-दक्षिण कोरिया र जापानबीच महानिर्देशकस्तरीय वार्ता हुने भएको छ।

दक्षिणको कोरियाको विदेश मन्त्रालयले जनाएअनुसार यहाँको विदेश मन्त्रालयका एसिया प्यासिफिक क्षेत्रीय मामिलाका महानिर्देशक किम जङ हन र उनका जापानी समकक्षी सिगेकी ताकिजाकीबीच वार्ता हुन लागेको हो।

कोरियाको विदेश मन्त्रालयद्वारा प्रकाशित विज्ञप्तिका अनुसार आगामी शुक्रबार द्विपक्षीय वार्ता हुने जनाइएको छ।

वार्ताका क्रममा द्विपक्षीय आपसी हितका विविध विषयमा कुराकानी हुने जानकारी विज्ञप्तिमा उल्लेख
छ।

दुई देशबीच पछिल्लो समयमा आयात निर्यातका वस्तुहरु र करका विषयमा विवाद उत्पन्न भएको छ । सोही विवादलाई सहज बनाउने प्रयासस्वरुप  वार्ता हुन लागेको अधिकारीहरुले जानकारी दिएका छन्।