आज संबिधान दिवस बिशेष रुपमा मनाइंदै

काठमाडाैं- आज चौथो संबिधान दिवस विभिन्न कार्यक्रम आयोजना गरेर मनाइने भएको छ | सार्वभौम संविधानसभावाट जारी भएको नेपालको पहिलो संविधान २०७२ असोज ३ गते  जारी भएको थियो |

वि.सं. २०७२ असोज ३ गते संविधान सभाको बैठकमा तत्कालीन राष्ट्रपति डा. रामवरण यादवले नेपाली जनतासमक्ष संविधान घोषणा गरेका थिए । सरकारले आज संविधान दिवसको अवसरमा टुंडिखेलमा विशेष कार्यक्रमको आयोजना गरेको छ ।

चार बर्ष अघि आजकै दिन जारि भएको नेपालको संविधानमा आवधिक निर्वाचन, लोकतान्त्रिक मूल्य र मान्यता, कानुनको शासन, कानुनी राज्यको अवधारणा, स्वतन्त्र न्यायपालिका, पूर्ण प्रेस स्वतन्त्रता र समाजवाद आदि बिशेषता रहेका छन् |

संविधान दिवसको अवसरमा आज सार्वजनिक बिदा दिइएको छ ।