कोरिया जान ७५ हजार बढीले ग्लोबल बैंकमा दस्तुर बुझाए,परीक्षा जेठ २७ र २८ गते

काठमाण्डौं- कोरियामा रोजगारी गर्न ७५ हजार भन्दा बढीले ग्लोबल बैंकमा परीक्षा दस्तुर जम्मा गरेका छन् | ईपीएस शाखाका अनुसार शुक्रबार १ बजेसम्ममा ७५ हजार ९ सय २५ जनाले परीक्षा दस्तुर जम्मा गरेका छन् |

शाखाले जनाए अनुसार आवेदन भने ९ गते बिहान १० बजेदेखि शुक्रबार ४ बजेसम्ममा अनलाइनमार्फत ७४ हजार ८ सय २५ जनाले आवेदन दिएका छन् ।

आवेदक मध्ये ६५ हजार ८१ पुरुष र ९ हजार ७ सय ३६ महिला छन् ।

निवेदन दिने मध्ये ५४ हजार ७ सय ८७ ले कृषि क्षेत्रका छन् । यसमा महिलाको संख्या ८ हजार १ सय ७० रहेको छ ।
मेनुफ्याक्चार्मा २४ हजार ४० ले आवेदन दिएका छन् । यसमा आवेदन दिने २२ हजार ४ सय ७० पुरुष र १ हजार ५ सय ७० महिला रहेका छन् ।

यसको परीक्षा भने जेठ २७ र २८ गते हुने  छ |