विप्लवका छोरा प्रहरी हिरासतबाट रिहा

भरतपुर- चितवन मेडिकल कलेजबाट पक्राउ परेका नेपाल कम्युनिष्ट पार्टीका महासचिव नेत्रविक्रम चन्द विप्लवका छोरा प्रकाश चन्द रिहा भएका छन्।

बिहीबार विहान प्रकाशसहित ७ जना विद्यार्थीलाई प्रहरीले रिहा गरेको हो।

बुधबार बिहान चितवन प्रहरीले विप्लवका छोरा प्रकाशसहित एक दर्जन विद्यार्थीलाई चितवन मेडिकल कलेजबाट पक्राउ गरेको थियो । पक्राउ परेकामध्ये ९ जना विद्यार्थी बुधबार साँझ नै रिहा भएका थिए।

चितवन प्रहरीका प्रमुख दानबहादुर मल्लले अभद्र ब्यवहार गरेकाले उनलाई पक्राउ गरिएको जानकारी दिएका थिए।

प्रकाश पछिल्लो समय चिकित्सा शिक्षा संघर्ष समितिमा रहेर मेडिकल शिक्षा सम्बन्धि आन्दोलनमा सक्रिय थिए।

चितवन मेडिकल कलेजमा केही दिनदेखि विभिन्न माग राखेर सुरु भएको आन्दोलनको पनि उनले आन्दोलनको अगुवाई गरिरहेका थिए।

प्रकाश विप्लव निकट स्वास्थ्यकर्मीहरूको संगठनका केन्द्रीय महासचिव समेत हुन्।